Тэмээчдийн зөвөлгөөн
ТЭМЭЭЧДИЙН УЛСЫН ЗӨВЛӨГӨӨН ЭХЭЛЛЭЭ.
Өмнөговь аймагт 2022 оны 12-р сарын 16,17-ны өдрүүдэд Тэмээчдийн улсын зөвлөгөөн, хурдан тэмээний уралдаан зохион байгуулагдах юм. Өнөөдөр Тэмээчдийн улсын зөвлөгөөн Говийн байгаль түүхийн музейд эхэллээ. Зөвлөгөөнийг нээж аймгийн Засаг дарга Р.Сэддорж үг хэллээ.
Засаг дарга хэлсэн үгэндээ Өмнөговь аймаг 2021 оны жилийн эцсийн байдлаар 160,6 мянган толгой тэмээ тоолуулсан нь улсын нийт тэмээн сүргийн 35,5%-ийг эзэлж байна.... Нутгийн хишиг хөтөлбөрийн хүрээнд ботгоны мөнгөн урамшуулал олгох, тэмээний төрөлжсөн эмнэлэг, тэмээ судлалын төв байгуулах, тэмээний баяр болон бусад эвент арга хэмжээг аялал жуулчлалтай холбох, тэмээгээ өсгөх, тэмээн соёлоо түгээн дэлгэрүүлэхэд онцгойлон анхаарч ажиллаж байна... гэдгийг онцоллоо.
Зөвлөгөөн өнөөдөр 17:00 цаг хүртэл үргэлжлэх бөгөөд
Мал аж ахуйн салбарт баримтлах бодлого, үйл ажиллагаа Монгол тэмээ судалгаа шинжилгээний ажил, цаашдын зорилт"Буурын бохины судалгааны ажлын үр дүн Ингэний сүүн ашиг шим зэрэг сэдвүүдээр Монгол улсын зөвлөх, мал зүйч, судлаач, докторууд, мөн харьяа яамны холбогдох газрын мэргэжилтэн шинжээч нар илтгэл тавьж байна. Тус зөвлөгөөнөөс мөн хурдан тэмээ уяачдад цол олгох журмын төслийг танилцуулж, хэлэлцүүлэг санал асуулга явагдах бөгөөд зөвлөгөөнөөс зөвлөмж гарч танилцуулагдах юм.
